◦♪ أنا + وقتي + و الجآمعـة = Disaster =| !!

..





مشآعرك مهم انك تهتمي فيها زي أي شي ثاني.. لأنه لو كانت ضعيفة و تعبانة ماراح تتحمل أي موقف يواجهها وبتنهار في أقرب فرصة

نفرض انك مضغووطة من الدراسة بعدين صارتلك مشكلة مع صديقتك.. و اليوم الثاني تضاربتي مع أبوك لسبب من الأسباب..

نهاية الأسبوع يجيك خبر ان بنت عمتك صارلها حادث ودخلت المستشفى
وماننسى أن عندك اختبار نهائي يوم السبت

كيف بتكون حالتك هذاك الوقت !
هالأحداث تسير وكلنا واجهنا ظروف شبيهه وكنا في أسوأ حالاتنا..
من أرق , تعب , ارهاق , تفكير , بكاء ...

احنا نبغى نريح مشاعرنا عشان لما نواجه ظروف صعبة تكون عندنا قابلية للتحمل

انك تريحي مشاعرك شي مو صعب .. المهم انك ماتحملينها فوق طاقتها ..

تحاولي تبعدي نفسك الأشياء اللي تعصبك وتنكد عليك .. تحاولي تكوني باردة في بعض الأمور

لو كنتي من النوع اللي يأثر فيك كلام الناس لاتدققي كثير في كلامهم – مومعناتها انك تكتمينها في قلبك-
فضفضي وابكي وطلعي كل اللي في قلبك لأحد تثقين فيه ..وحتى لو لمخدتك ودبدوبك ودفترك =")

عيشي لحظتك واستمتعي فيها.. لاتنكدي على نفسك.. ولاتشيلين هم كل العالم
الواحد يادوب يشيل هم نفسه..

برضه لاتضغطي على نفسك بهالخصوص..
يعني مشاعرنا مو على كيفنا متى مابغينا نضحك ضحكنا!
عطيها وقتها اذا كانت تعبانه.. واذا كنتي مبسوطة انبسطي اكثر.. سوي دايماً الأشياء اللي تفرحك
حتى لوكانت بسيطة..

زي تدلعي نفسك وتعبي البانيو وتسترخي فيه .. لما تخلصي تتعطري و تلبسي بجامه تحبيها ..
وتشغلي الأباجوره وتقري قصة أو تفتحي دفترك تكتبي فيه ..

لاتستهينوا بهالأشياء من جد تروق الأعصآآب .. وتريحك من الهموم .. أقلها بتقومي اليوم الثاني كلك حيوية ونشاط .


:




لما تمر علينا هذي الأزمات نفقد بسببها توازننا وتسيطر علينا حالات الإكتئاب بكل أشكالها ..
فـ نحتاج أننا نقوي إيماننا وصلتنا بربنا ..

., حصَني نفسك من كل شي ..

سبحآن الله.. أذكار الصباح والمساء لها حكمة ولها أهمية نجهلها ..

انتي لو تمعنتي فيها وفي كل دعاء تقوليه بتعرفي ان ربي حماك من أشياء ومصايب كثيـر ممكن تكون في يومك.. خلينا نقرا بعضهم ..


" اللهم عافني في بدني. اللهم عافني في سمعي.
اللهم عافني في بصري. لا إله إلا أنت اللهم إني أعوذ بك من الكفر والفقر ومن عذاب القبر لا إله إلا أنت ".

هنا تسألي ربك يعافي سمعك وبصرك وبدنك.. ممكن مقدَر لك في يوم انه يصيبك تمزق في الشبكية أو يصيبك مرض مزمن في جسمك .
ممكن كانت بتجيبكم أزمة مالية أو كنت بتسوي عمل يؤدي للكفر وانتي ماتدري- لا قدر الله -
وبهذا الدعاء ربي أبعدهم عنك


" اللهم إني أسألك علماً نافعاً و رزقاً طيباً وعملاً متقبلاً "

هنا تطلبي من ربي العلم اللي ينفعك و الرزق الحلال والعمل المتقبَل
لأنه دايماً الإنسان يدعي ربه " اللهم اني اعوذ بك من علمٍ لاينفع ومن عملٍ لايرفع "
ايش فايدة ان عمرك يضيع بعمل ربي مايقبله منك


" اللهم إني أسألك العفو والعافية في الدنيا والآخرة.
اللهم إني أسألك العفو و العافية في ديني ودنياي و أهلي ومالي.
اللهم استر عوراتي وآمن روعاتي. اللهم احفظني من بين يدي ومن خلفي.
وعن يميني وعن شمالي ومن فوقي وأعوذ بعظمتك أن أغتال من تحتي "

هذا الدعاء مايحتاج اشرحه =( .. الله لايروعنا بعزيز ويحفظنا من كل شر



" اللهم عالم الغيب والشهادة فاطر السماوات والأرض.
ربَ كل شيءٍ ومليكه. أشهد أن لا إله إلا أنت أعوذ بك من شر نفسي
ومن شر الشيطان وشركه وأن أقترف على نفسي سوءاً أو أجرَه إلى مسلم "

تسألين ربك أنه يعيذك من شر نفسك ومن الشياطين .. ومايخليك تجرين الشر لأي مسلم وتاخذين إثمه.

:

., يوم قريناها سوا .. ماتحسوا كأنكم أول مرة تقرونها ؟

بعد آخر الأزمات اللي مريت فيها .. قعدت اراجع نفسي.. الأيام اللي صارتلي فيها المصايب
ماكنت قاريه أذكاري .. لا صباح ولا مساء
صحيح قضاء الله وقدره .. لكن الواحد ممكن يدفع السوء بالدعاء..



.. جاني إيميل فيه مقطعين صوت للأذكار .. مرره روعة
حطيته في جوالي أشغله لما أقوم من النوم الصبح .. ولما يجي المغرب ..

كود:
http://www.tagibb.com/vb/showthread.php?t=3532





نسبة \ ثانوية عامة \ جامعة \ معدل \ تخرج .... والقائمة تطول =(

كلها هموم على القلب =| احنا بس نقول الله يلطف بحالنا مانبي من هالدنيا غير حسن الخاتمة

المهم ..

عشان تسهل دراستك .. لازم تكون لك طريقة في المذاكرة.. كثير يقولون احنا نذاكر ونتعب نفسنا اخرتها مانجااوب =\

عشان تضمني انك تحلي كويس وتضمني ان شاء الله معدل أو نسبة ترفع الراس ..

هذي استراتيجيات تعلمتها وانا ادرس والحمدلله ماشية تمام التمام معاها ..

:



:


:








:

الـ Notebook هو الدفتر الصغير اللي دايماً نشوفه في المكتبات وأشكاله تجنن ..
يستخدم لتنظيم الوقت والمواعيد .. بالذات اذا كان جدولك مليآن ..

:

يحتوي على :
التقويم السنوي , خطة سنوية , خطة شهرية , خطة أسبوعية , ورق ملاحظات

خلينا نشوف نظرة عن قرب






There's no time limit. Start whenever you want. You can change or stay the same.
There are no rules to this thing. We can make the best or the worst of it;
I hope you make the best of it. I hope so


بإمكاننا نتغير وبإمكاننا نبقى زي ما إحنا.. الوقت مو محدود نقدر نبدأ متى مانبغى
بإمكاننا نحقق الأفضل أو الأسوأ ..
وأتمنى انك تحققي الأفضل دايماً =)

:

شاركوني آرائكم و تجاربكم مع ( الوقت , الجامعة , عنايتك ) ..
اتمنى الموضوع يكون غني بردودكم .. و لاتقتصروا على رد مختصر إذا ممكن =)

مابغى منكم غير دعوة صادقة .. واني آخذ منحة في الجامعة ..

يسلمؤؤؤؤؤ ؤؤؤؤ
موضوع مهم ومفيد تستاهلي احلى
تقيم يسلمؤؤؤؤؤؤؤؤ ؤؤؤؤ
تاني